press release

പാലത്തായി പീഡനം: അറസ്റ്റു ചെയ്യാന്‍ തയ്യാറാകാത്തത് ബി.ജെ.പി നേതാവായ പ്രതിയെ രക്ഷിക്കാന്‍ – സാംസ്‌കാരിക പ്രവര്‍ത്തകര്‍

 

കണ്ണൂര്‍ പാലത്തായിയില്‍ നാലാംക്ലാസ്സുകിരി പെണ്‍കുട്ടിയെ പീഡിപ്പിച്ച അധ്യാപകനും ബി.ജം.പി തൃപ്പങ്ങോട്ടൂര്‍ പഞ്ചായത്ത് പ്രസിഡണ്ടുമായ പത്മരാജനെ അറസ്റ്റ് ചെയ്യാത്തതില്‍ പ്രതിഷേധിച്ച് കേരളത്തിലെ സാമൂഹിക-സാംസ്‌കാരിക പ്രവര്‍ത്തകര്‍ മുഖ്യന്ത്രിക്കും സ്ഥലം എം.എല്‍.എ കൂടിയായ ആരോഗ്യ വകുപ്പ് മന്ത്രി കെ.കെ ശൈലജ ടീച്ചര്‍ക്കും കത്തെഴുതി.

കത്തിന്റെ പൂര്‍ണരൂപം:
ബഹുമാനപ്പെട്ട കേരള മുഖ്യമന്ത്രിയുടെയും കൂത്തുപറമ്പ് എം.എല്‍.എ കൂടിയായ ബഹുമാനപ്പെട്ട ആരോഗ്യ , വനിതാ ശിശുക്ഷേമകാര്യ മന്ത്രി കെ.കെ.ശൈലജ ടീച്ചറുടെയും അടിയന്തര ശ്രദ്ധക്ക്
താഴെ പറയുന്നവര്‍ സമര്‍പ്പിക്കുന്ന പരാതി

കണ്ണൂര്‍ ജില്ലയിലെ കൂത്തുപറമ്പ് നിയോജക മണ്ഡലത്തില്‍പ്പെട്ട പാലത്തായിയില്‍ ഒരു നാലാം ക്ലാസുകാരി പെണ്‍കുട്ടി സ്വന്തം സ്‌കൂളിലെ അധ്യാപകനാല്‍ പീഡിപ്പിക്കപ്പെട്ടതായി മൊഴി നല്‍കി, പോക്‌സോപ്രകാരം കേസെടുത്തിട്ട് 25 ദിവസങ്ങള്‍ കഴിഞ്ഞു. ബി.ജെ.പി. തൃപ്പങ്ങോട്ടൂര്‍ പഞ്ചായത്ത് പ്രസിഡന്റ് പത്മരാജനാണ് പ്രതി. പോക്‌സോപ്രകാരം കേസെടുത്ത പ്രതിയെ ഉടന്‍ തന്നെ അറസ്റ്റ് ചെയ്യുന്നതിനു പകരം കുട്ടിയെ വീണ്ടും വീണ്ടും ചോദ്യം ചെയ്ത് മാനസികമായി തളര്‍ത്താനുള്ള ശ്രമമാണ് പൊലീസിന്റെ ഭാഗത്ത് നിന്ന് ഉണ്ടാവുന്നത്.

ആദ്യം ചൈല്‍ഡ് ലൈന്‍ അംഗങ്ങള്‍ വീട്ടില്‍ വന്ന് മൊഴിയെടുത്തു. പിന്നീട് പാനൂര്‍ പൊലീസ് മൊഴിയെടുത്ത് എഫ്.ഐ.ആര്‍ രെജിസ്റ്റര്‍ ചെയ്തു. പിറ്റേന്ന് വൈദ്യ പരിശോധന നടത്തുകയും മട്ടന്നൂര്‍ മജിസ്‌ട്രേറ്റ് കോടതിയില്‍ കുട്ടിയെ ഹാജരാക്കി മജിസ്‌ട്രേറ്റിനു മുന്നില്‍ മൊഴി കൊടുക്കുകയും ചെയ്തു. എന്നാല്‍, പ്രതിയെ അറസ്റ്റു ചെയ്യാതെ കുട്ടിയെ വീണ്ടും വീണ്ടും ചോദ്യം ചെയ്യുകയാണ് പിന്നീടുണ്ടായത്.
ഡി.വൈ.എസ്.പി തന്നെ മാധ്യമങ്ങളോട് പ്രതി കുറ്റം ചെയ്തുവെന്ന് തെളിഞ്ഞതായി പറഞ്ഞിട്ടുണ്ട്. എന്നാല്‍, പല പ്രാവശ്യം ഡി.വൈ.എസ്.പിയും സി.ഐയും നാലാം ക്ലാസുകാരിയായ കുട്ടിയെ ചോദ്യം ചെയ്യുകയുണ്ടായി. പിന്നീട് മാര്‍ച്ച് 27 ന് കുട്ടിയുടെ മാനസിക നില പരിശോധിക്കണമെന്ന് പറഞ്ഞ് ലോക്ക് ഡൗണ്‍ കാലത്ത് തന്നെ കോഴിക്കോട് പ്രശസ്തമായ മാനസികാരോഗ്യ കേന്ദ്രത്തില്‍ കൊണ്ടുപോയി ഡോക്ടറെ കാണിച്ചത് കേസ് വഴിതിരിച്ചുവിടാനും പ്രതിയെ രക്ഷിക്കാനുമുള്ള ശ്രമത്തിന്റെ ഭാഗമായാണെന്ന് സംശയിക്കുന്നു.

വിദ്യാര്‍ഥികളുടെ സംരക്ഷകരാകേണ്ട അധ്യാപകന്‍ തന്നെയാണ് പ്രതി സ്ഥാനത്ത് എന്നത് കുറ്റകൃ ത്യത്തിന്റെ ഗൗരവം വര്‍ധിപ്പിക്കുന്നു. ലോക്ഡൗണിന്റെ പേര് പറഞ്ഞ് പ്രതിയെ അറസ്റ്റ് ചെയ്യാതിരിക്കുന്നത് അങ്ങേയറ്റം പ്രതിഷേധാര്‍ഹമാണ്. കുട്ടികള്‍ക്ക് നേരെയുള്ള ലൈംഗികാതിക്രമങ്ങളില്‍ എത്രയും വേഗം പ്രതിയെ അറസ്റ്റു ചെയ്ത് നിയമനടപടികള്‍ പൂര്‍ത്തിയാക്കണമെന്നിരിക്കെ പ്രതിയെ അറസ്റ്റു ചെയ്യാന്‍ പോലും തയ്യാറാകാത്തത് പ്രതിയെ രക്ഷിക്കാന്‍ വേണ്ടിയാണെന്ന് സംശയിക്കുന്നു. വാളയാര്‍
ആവര്‍ത്തിക്കാതിരിക്കാന്‍ ജാഗ്രത വേണം. എത്രയും പെട്ടെന്ന് പ്രതികളെ അറസ്റ്റു ചെയ്യാനുള്ള ഇടപെടലുകള്‍ മുഖ്യമന്ത്രിയുടെയും എം.എല്‍.എയുടെയും ഭാഗത്ത് നിന്ന് ഉണ്ടാവണമെന്നും ,പ്രതിയെ രക്ഷപ്പെടുത്താന്‍ ശ്രമിക്കുന്ന പോലീസ് ഉദ്യേഗസ്ഥര്‍ക്കെതിരെ നടപടി വേണമെന്നും ഞങ്ങള്‍ ആവശ്യപ്പെടുന്നു.

കെ.ആര്‍ മീര, കെ.സച്ചിദാനന്ദന്‍, ബി.ആര്‍.പി.ഭാസ്‌കര്‍, കെ.അജിത, എം.എന്‍.കാരശ്ശേരി, ജെ ദേവിക, ഡോ. ഖദീജ മുംതാസ്, ടി.ടി ശ്രീകുമാര്‍, പി.ഗീത, സി.എസ്.ചന്ദ്രിക, സിവിക് ചന്ദ്രന്‍, കെ.കെ.രമ
ഡോ. എസ് ഫൈസി, എസ്.പി ഉദയകുമാര്‍, ഗീത നസീര്‍, അഡ്വ. പി.എ. പൗരന്‍, വി.പി സുഹ്‌റ, ഡോ. ആസാദ്, വി.എസ് അനില്‍കുമാര്‍, ഗോമതി, എം.സുല്‍ഫത്ത്, ബിന്ദു അമ്മിണി, അഡ്വ. ആര്‍.കെ ആശാ ഉണ്ണിത്താന്‍, സോയ ജോസഫ്, ദിലീപ് രാജ്, സുദീപ് കെ.എസ്, ഹമീദ് വാണിയമ്പലം, എന്‍.സുബ്രഹ്മണ്യന്‍, അഫീദ അഹമ്മദ്, അഡ്വ. പ്രീത കെ.കെ, ഡോ. എ.കെ ജയശ്രീ, ജബീന ഇര്‍ഷാദ്, റസാഖ് പലേരി, അമ്മിണി കെ വയനാട്, പി.ഇ ഉഷ, ശീതള്‍ ശ്യാം, അമ്പലത്തറ കുഞ്ഞികൃഷ്ണന്‍, എം. ജോസഫ് ജോണ്‍, ഡോ. കെ.എം ഷീബ, കെ.കെ ബാബുരാജ്, അംബിക, സന്തോഷ് കുമാര്‍. കെ, വിനീത വിജയന്‍, കെ.കെ റസീന ടീച്ചര്‍, സി.വി ജമീല, ഷംസീര്‍ ഇബ്രാഹീം, ഡോ. അനിത, ദിവ്യ ദിവാകരന്‍, ജെന്നി സുല്‍ഫത്ത്, മീന കൂട്ടാല, താനിയ കെ, ലീല, ദിനു, അജയന്‍ അടാട്ട്, വി.എസ് അനില്‍കുമാര്‍, സിവിക് ചന്ദ്രന്‍, മൃദുല ഭവാനി, പ്രസീതകുമാരി ടീച്ചര്‍, വര്‍ഷ ബഷീര്‍, സാലിഹ് കോട്ടപ്പള്ളി, ആര്‍.അജയന്‍

Back to top button

Notice: ob_end_flush(): failed to send buffer of zlib output compression (0) in /home/qreseller/janapaksham.in/wp-includes/functions.php on line 4757