press release

ഗവര്‍ണറുടെ നയപ്രഖ്യാപനം തെരഞ്ഞെടുപ്പ് മുന്നില്‍ കണ്ടുള്ള പൊള്ളയായ വാഗ്ദാനങ്ങള്‍ – വെല്‍ഫെയര്‍ പാര്‍ട്ടി
തിരുവനന്തപുരം: ലോക്സഭാ തെരെഞ്ഞെടുപ്പ് മുന്നില്‍ കണ്ടുള്ള പൊള്ളയായ വാഗ്ദാനങ്ങള്‍ മാത്രമാണ് ഗവര്‍ണറുടെ നയപ്രഖ്യാപന പ്രസംഗത്തിലൂടെ ഇടതുമുന്നണി സര്‍ക്കാര്‍ നടത്തിയിരിക്കുന്നതെന്ന് വെല്‍ഫെയര്‍ പാര്‍ട്ടി സംസ്ഥാന പ്രസിഡന്റ് ഹമീദ് വാണിയമ്പലം. പ്രളയാനന്തരം നടക്കുന്ന നയപ്രഖ്യാപനത്തില്‍ സര്‍ക്കാര്‍ വാഗ്ദാനം ചെയ്ത പുതിയ കേരളത്തെക്കുറിച്ച് സമ്പൂര്‍ണ മൗനമാണ് പുലര്‍ത്തുന്നത്. ദേവസ്വം നിയമനങ്ങളില്‍ നടപ്പാക്കിയ മുന്നാക്ക സംവരണത്തെ വലിയ നേട്ടമാക്കി അവതിരിപ്പിക്കുന്ന സര്‍ക്കാര്‍ നവോത്ഥാന മ്യൂസിയം സ്ഥാപിക്കും എന്ന് പറയുന്നത് പരിഹാസ്യമാണ്. നവോത്ഥാന പ്രസ്ഥാനങ്ങള്‍ മുന്നോട്ടുവെച്ച ദലിത്-പിന്നാക്ക ജനവിഭാഗങ്ങളുടെ പങ്കാളിത്തവും ഭൂഉടമസ്ഥാവകാശവും അട്ടിമറിക്കുന്ന സര്‍ക്കാര്‍ നവോത്ഥാനത്തെ വെറും പ്രദര്‍ശന വസ്തുവായാണ് കാണുന്നത്. പ്രളയാനന്തര കേരള പുനര്‍ നിര്‍മാണമെന്ന പേരില്‍ വന്‍ പദ്ധതികള്‍ ജനങ്ങളുടെ പണമെടുത്ത് കോര്‍പറേറ്റുകള്‍ക്ക് തീറെഴുതാനുള്ള ഗുഢാലോചന നടക്കുന്നതിലാണ് പുനര്‍ നിര്‍മാണത്തെപ്പറ്റി മൗനം പാലിക്കുന്നതെന്നും ആദ്ദേഹം ആരോപിച്ചു.

Back to top button

Notice: ob_end_flush(): failed to send buffer of zlib output compression (0) in /home/qreseller/janapaksham.in/wp-includes/functions.php on line 4757