1992 ൽ ഹിന്ദുത്വ ശക്തികൾ ബാബരി മസ്ജിദ് തകർത്തപ്പോൾ, അത് ഇന്ത്യൻ മുസ്ലിംകൾക്കെതിരായ വംശീയ അതിക്രമമാണെന്നും അതിനെതിരെ മുസ്ലിം പ്രതിഷേധം ശക്തിപ്പെടുത്തേണ്ടതുണ്ടെന്നും കുറച്ചു രാഷ്ട്രീയ നേതാക്കളും ചിന്തകരും പത്രപ്രവർത്തകരും കരുതിയിരുന്നു. എന്നാൽ, ഇന്ത്യൻ മതേതരത്വത്തിന്മേലുള്ള ഒരു കറയായിട്ടാണ് ഭൂരിഭാഗം പേരും ആ സംഭവത്തെ കണ്ടിരുന്നത്. അത് കൊണ്ട് തന്നെ മസ്ജിദ് ധ്വംസനത്തിനെതിരെ ഉയർന്നു വന്ന മുസ്ലിം ശബ്ദങ്ങൾ വിഷയത്തെ വർഗീയതയിലേക്ക് ചുരുക്കുമെന്ന് ആശങ്കപ്പെടുകയും ചെയ്തു. അന്ന് ബാബരി മസ്ജിദ് കർ...
